صارلي تقريبا اسبوعين وانا افتر ادور حضانة زينة حق ولدي
وانا حاطة ابالي مواصفات وشروط حق الحضانة اللي ابيها 
خل اقول لكم اول المواصفات اللي ابيها وبعدين أقول لكم الافضل
أول شي أبي الحضانة تكون بطريجي
وبعدين ابيها تكون حضانة انجليزيية وابيهم يعطونها عربي ودين
بعد بس ابي الاساس انجليزي 
وابي الحضانة تكون حلوة وفيها العاب وايد تونس الطفل وتكون انشطتهم متنوعة وما يقعدون الياهل طول اليوم بصف واحد
وابي الصفوف كبيرة وشرحة وحلوة ومزينة علشان تشد الطفل 
امممممم ما ادري بعد شنو بس هذا اللي ابالي الحين 
وألحين بقول لكم تفاصيل الجولة اللي سويتها .......
أهي حضانة سنابل الخير ثنائية اللغه بمنطقة الرحاب
الصراحة روعة روعة روعة
فيها كل المواصفات اللي ابيها 
اهما ياخذون من عمر ٤شهور
بس وايد عجبتني شرحة ووسيعة ومريحة وفيها
ثلاث صالات العاب داخلية وخارجية والعابها تشوق
وصفوفهم زينة وعندهم مسجد ومكتبة ومرسم مطعم وغرفة تلفزيون هالحضانة وااااااااااااااااااايد حلوة وصج صج اعجبتني 
أول ما تدخلين يم الادارة في صالة حفلات وغرفة الليغو تونس حق اليهال وقالت لي اللي ورتني الحضانة ان كل شي يدرسونة
وورتني بعد كتبهم .... وعندهم منهج خاص فيهم ..... كتبهم وايد حلوة .......وطريقتها واهي تشرحلي طريقة التدريس وايد عجبتني 
الصراحة كل شي فيها عجبني
وبعدين وانا طالعة من الحضانة شفت ام ياية تاخذ عيالها وسألتها عن الحضانة 
قالت لي ان عندها توأم بالحضانة ووااااااايد امدحت الحضانة 
وقالت لي لا تعبين روحج وتفترين ترى ما راح تلقين احسن منها 
والحين عقب ما افتريت اقتنعت
حبايبي دخلي ولدج الحضانة وانت مغمضة
لانها بصراحة أحسن حضانة رحتلها